3D lazer skanlama
Bina, fasad, sənaye qurğusu və ərazilərin 3D lazer skanı: milyonlarla nöqtədən ibarət dəqiq nöqtə buludu, çertyojlar və 3D modellər.
3D lazer skanlama obyektin səthini saniyədə yüz minlərlə, hətta milyonlarla nöqtə ilə ölçərək onun tam rəqəmsal surətini — nöqtə buludunu yaradan müasir geodeziya üsuludur. Ənənəvi ölçmələrlə günlərlə davam edən işlər bir neçə saata tamamlanır, ölçülməsi çətin və təhlükəli yerlərə isə yaxınlaşmaq lazım gəlmir.
Topoqraf AZ Bakıda və Azərbaycanın bütün bölgələrində yerüstü (stasionar) lazer skanerlər və SLAM əl skanerləri ilə işləyir. Binaların, fasadların, sənaye qurğularının, tarixi abidələrin skanını aparır, karyer və anbarlarda həcmləri ölçürük. Skanlar GNSS RTK və taxeometrlə dövlət koordinat sisteminə, WGS-84 və ya UTM 39N sisteminə bağlanır.
Nəticə olaraq nöqtə buludu (E57, LAS, RCP), AutoCAD çertyojları, kəsiklər, 3D modellər və Scan to BIM üçün əsas təhvil verilir. Tipik dəqiqlik ±2–6 mm-dir.
