Bina oxlarının yerə köçürülməsi
Tikintinin başlanğıcında binanın əsas və aralıq oxlarının taxeometrlə yerə köçürülməsi, obnoska və ya kənar nişanlarla bərkidilməsi, sıfır hündürlüyün verilməsi.
Lisenziyalı xidmət · EL-845/2026
Bina oxlarının yerə köçürülməsi tikintinin ilk və ən məsuliyyətli geodeziya addımıdır. Layihədə binanın yeri oxlar şəbəkəsi ilə — hərf və rəqəmlərlə işarələnmiş xətlərlə — verilir. Geodezist bu oxların kəsişmə nöqtələrini baş plandakı koordinatlara görə ərazidə tapır və elə bərkidir ki, qazıntı zamanı nişanlar itməsin, inşaatçılar isə istənilən vaxt oxu bərpa edə bilsin.
Bu xidmət fərdi ev, villa, çoxmərtəbəli bina, anbar və ya sənaye binası tikməyə hazırlaşan hər kəsə lazımdır. Oxlar səhv köçürülərsə, bina qonşu sahəyə və ya qırmızı xəttə keçə, kommunikasiya qoşulmaları uyğun gəlməyə bilər. Belə səhvi təməl betonlandıqdan sonra düzəltmək çox baha başa gəlir, bəzən isə qeyri-mümkündür.
Əsas oxlar SOUTH elektron taxeometri (bucaq 1"–2") ilə ən azı iki dayaq nöqtəsindən köçürülür, köçürmədən sonra diaqonallar və ox arası məsafələr ölçülərək yoxlanılır. Oxlar binanın konturundan kənarda qoyulan metal nişanlara və ya taxta obnoskaya ötürülür. Eyni zamanda layihənin sıfır hündürlüyü (±0.000) nivelirlə yaxınlıqdakı sabit obyektə verilir.
İş adətən bir gündə başa çatır, nəticə isə oxların sxemi ilə birlikdə yerə köçürmə aktında rəsmiləşdirilir.
Nə vaxt lazımdır
- Fərdi ev və ya villa tikintisinə başlamazdan əvvəl
- Çoxmərtəbəli binanın özül çuxuru qazılmazdan əvvəl
- Anbar və sənaye binalarının bünövrəsi üçün
- Mövcud binaya əlavə tikilərkən
- Qazıntıdan sonra oxların bərpası lazım olduqda
Xidmətə daxildir
- Baş plan və oxlar sxeminin yoxlanması, koordinatların hesablanması
- Dayaq nöqtələrinin yoxlanması və ya yaradılması
- Əsas oxların kəsişmə nöqtələrinin yerə köçürülməsi
- Diaqonal və ox arası məsafələrin nəzarət ölçməsi
- Oxların obnoskaya və ya kənar metal nişanlara ötürülməsi
- Sıfır hündürlüyün (±0.000) verilməsi
İş necə aparılır
- Layihə sənədlərinin alınması və koordinatların hazırlanması
- Sahəyə çıxış və dayaq nöqtələrinə bağlanma
- Oxların köçürülməsi və bərkidilməsi
- Nəzarət ölçmələri
- Aktın və sxemin təhvili, nişanların inşaatçıya göstərilməsi
Nəticədə təhvil verilir
- Ərazidə bərkidilmiş ox nişanları
- Oxların yerə köçürülməsi aktı
- Nişanların yerləşmə sxemi və koordinatları
- Sıfır hündürlük nişanı
