Qruntların laboratoriya tədqiqatı
Qrunt və su nümunələrinin fiziki-mexaniki xassələrinin, kimyəvi tərkibinin, sıxlaşdırılma və möhkəmlik göstəricilərinin laboratoriyada təyini.
Lisenziyalı xidmət · EL-845/2026
Qruntların laboratoriya tədqiqatı mühəndis-geoloji axtarışların əsas hissəsidir: bünövrənin hesablanması, qazıntı yamaclarının dayanıqlığı, yol və torpaq qurğularının layihələndirilməsi məhz laboratoriyada alınan göstəricilərə əsaslanır. Quyulardan və şurflardan götürülmüş pozulmamış və pozulmuş nümunələr, həmçinin qrunt suyu nümunələri standart metodikalarla sınaqdan keçirilir.
Topoqraf AZ laboratoriya tədqiqatlarını EL-845/2026 nömrəli lisenziya əsasında, qüvvədə olan tikinti normalarına (AzDTN/SNiP, GOST) uyğun aparır. Nəmlik, sıxlıq, plastiklik, qranulometrik tərkib, deformasiya və möhkəmlik xarakteristikaları, qrunt və suyun betona və metala aqressivliyi təyin edilir.
Nəticələr mühəndis-geoloji hesabata daxil edilir və ya ayrıca protokollar şəklində təhvil verilir. Nümunələr Bakıdan və Azərbaycanın bütün bölgələrindən qəbul olunur. Lazım olduqda nümunələrin sahədə düzgün götürülməsini və laboratoriyaya çatdırılmasını da öz mütəxəssislərimiz təşkil edir.
