Topoqrafik plan 1:200
Kiçik sahələr, həyətlər, sıx tikili məhəllələr və detallı layihələr üçün 1:200 miqyaslı topoqrafik plan: hər detal, kommunikasiya və hündürlük nişanı ilə.
Lisenziyalı xidmət · EL-845/2026
1:200 topoqrafik planın ən iri miqyasıdır: planda 1 sm yerdə 2 metrə bərabərdir. Bu miqyasda bordür daşları, pilləkənlər, kiçik memarlıq formaları, quyuların lyukları, ayrı-ayrı ağaclar və hətta hasar dirəkləri real ölçüsünə yaxın göstərilir. Relyef adətən 0,1–0,25 m kəsim hündürlüyü ilə horizontallarla və sıx hündürlük nişanları ilə verilir.
Belə plan Bakının köhnə məhəllələrində, həyət evlərində və kiçik torpaq sahələrində layihələndirmə üçün xüsusilə faydalıdır. Mövcud binanın yanında əlavə tikili, abadlıq və landşaft işləri, giriş yolları, yağış suyu axıdılması və ya restavrasiya layihəsi hazırlayan memar üçün 1:500 miqyası çox vaxt kifayət etmir, çünki xırda detallar itir.
Çəkilişi 1"–2" dəqiqlikli elektron taxeometrlər və SOUTH GNSS RTK qəbulediciləri ilə aparırıq, sıx tikilidə əsasən taxeometrdən istifadə edirik. Ölçmələr dövlət geodeziya şəbəkəsinə bağlanır, konturların plan dəqiqliyi bir neçə santimetr səviyyəsində olur. Yerüstü kommunikasiyalarla yanaşı, görünən yeraltı şəbəkələrin çıxışları da qeydə alınır.
Nəticə AutoCAD (DWG) və PDF formatında, dövlət koordinat sistemində və ya sifarişçinin tələb etdiyi sistemdə təhvil verilir. Plan layihəçinin bilavasitə işləyə biləcəyi qaydada qatlara ayrılmış olur.
Nə vaxt lazımdır
- Həyət evi və kiçik torpaq sahəsində tikinti layihəsi
- Mövcud binaya əlavə tikili və ya genişləndirmə
- Abadlıq, landşaft və yağış suyu axıdılması layihəsi
- Tarixi binaların restavrasiyası və bərpası
- Sıx tikili ərazilərdə kommunikasiya qoşulmaları
Xidmətə daxildir
- Dövlət geodeziya şəbəkəsinə bağlı dayaq məntəqələrinin yaradılması
- Taxeometr və GNSS RTK ilə detallı çəkiliş
- Relyefin 0,1–0,25 m kəsimli horizontallarla təsviri
- Binalar, hasarlar, bordürlər və kiçik formaların çəkilişi
- Görünən kommunikasiya elementlərinin qeydə alınması
- Planın DWG və PDF formatında tərtibi
İş necə aparılır
- Sahənin sərhədlərinin və texniki tapşırığın razılaşdırılması
- Dayaq məntəqələrinin qurulması və bağlanması
- Çöl çəkilişi
- Kameral emal və planın tərtibi
- Planın yoxlanması və təhvili
Nəticədə təhvil verilir
- 1:200 miqyaslı topoqrafik plan (DWG)
- Çapa hazır PDF variantı
- Dayaq məntəqələrinin koordinat kataloqu
