Torpaq sahəsinin koordinatlarının təyini

Koordinatların təyini torpaq sahəsinin döngə nöqtələrinin yer üzərindəki mövqeyini rəqəmlərlə — X, Y (və ya enlik, uzunluq) qiymətləri ilə ifadə etmək deməkdir. Koordinatları məlum olan sahənin sərhədləri itmir: nişanlar sökülsə belə, onları istənilən vaxt yenidən bərpa etmək mümkündür. Bu məlumat layihəçilər, tikinti şirkətləri, bankların qiymətləndiriciləri və sənədləşmə prosesi üçün də tələb olunur.

Ölçmələr SOUTH GNSS RTK qəbulediciləri ilə, daimi istinad stansiyaları şəbəkəsinə və ya öz baza stansiyamıza qoşulmaqla aparılır; plan dəqiqliyi ±1–2 sm təşkil edir. Hündür binaların arasında, ağac altında və ya peyk siqnalının əks olunduğu yerlərdə nöqtələr elektron taxeometrlə ölçülür. Hər nöqtə təkrar ölçmə ilə nəzarət olunur.

Koordinatlar dövlət koordinat sistemində, həmçinin müştərinin tələbinə görə WGS-84 və ya UTM zona 39N sistemində verilir. Köhnə sənədlərdəki koordinatlar başqa sistemdədirsə, çevirmə aparılır və fərqlər göstərilir. Nəticə koordinat kataloqu, sahə hesabı və sxem şəklində təhvil verilir, istəsəniz KML faylı ilə Google Earth-də də baxa bilərsiniz.

Nə vaxt lazımdır

• Köhnə, koordinatsız sənədləri olan sahələr üçün
• Tikinti layihəsi və topoqrafik plan üçün ilkin məlumat
• Bank qiymətləndirməsi və ya alqı-satqı üçün
• Sərhəd nişanlarının gələcəkdə bərpası üçün etibarlı əsas
• Sahənin GIS sistemlərinə və xəritələrə daxil edilməsi

Xidmətə daxildir

• Döngə nöqtələrinin GNSS RTK ilə ölçülməsi
• Lazım olduqda taxeometrlə əlavə ölçmələr
• Hər nöqtənin təkrar nəzarət ölçməsi
• Koordinatların tələb olunan sistemə çevrilməsi
• Sahənin hesablanması
• Koordinat kataloqunun və sxemin tərtibi

İş necə aparılır

1. Koordinat sisteminin və formatın razılaşdırılması
2. Sahəyə çıxış və nöqtələrin ölçülməsi
3. Nəzarət və emal
4. Kataloqun və sxemin hazırlanması
5. Elektron və kağız formada təhvil

Nəticədə təhvil verilir

• Döngə nöqtələrinin koordinat kataloqu
• Sahənin sxemi və sahə hesablaması
• DWG, PDF və KML faylları