Torpaq sahəsi sərhədlərinin dəqiqləşdirilməsi
Sənəddəki sərhədlərin yerdəki faktiki hasarlarla müqayisəsi, uyğunsuzluqların aşkarlanması və dəqiq koordinatlı yeni plan və sahə hesablaması.
Bakıda və Abşeron qəsəbələrində bir çox torpaq sahəsinin sənədləri illər əvvəl, sadə ölçmə vasitələri ilə və ya şərti koordinat sistemində hazırlanıb. Belə sənədlərdə koordinatlar ya ümumiyyətlə yoxdur, ya da yerdəki faktiki hasarlarla uyğun gəlmir. Nəticədə sahənin ölçüsü sənəddəkindən fərqli çıxır, qonşu sahələr kağız üzərində bir-birinin üstünə düşür və ya aralarında boşluq yaranır.
Sərhədlərin dəqiqləşdirilməsi zamanı sahənin bütün dönmə nöqtələri və hasarları SOUTH GNSS RTK qəbulediciləri və ya taxeometrlə dövlət koordinat sistemində ölçülür. Sonra faktiki sərhədlər çıxarışdakı plan, köhnə plan-ölçü sənədləri və mümkün olduqda qonşu sahələrin məlumatları ilə müqayisə olunur, fərqlər nöqtə-nöqtə göstərilir.
Nəticədə dəqiq koordinatlarla yenilənmiş sahə planı, dönmə nöqtələrinin kataloqu, sahənin yenidən hesablanması və sənədlə fərqlərin izahlı sxemi hazırlanır. Bu materiallar sənədlərin yenilənməsi, alqı-satqı, ipoteka və ya tikinti layihəsi üçün istifadə oluna bilər.
Sənədlərə dəyişikliyin rəsmi qaydada edilməsi aidiyyəti dövlət qurumu tərəfindən həyata keçirilir; biz bunun üçün lazım olan texniki ölçmə materiallarını hazırlayırıq.
Nə vaxt lazımdır
- Sənəddə koordinat olmadıqda və ya köhnə sistemdə olduqda
- Faktiki sahə sənəddəkindən fərqləndikdə
- Qonşu sahələrlə sərhəd üst-üstə düşdükdə
- Alqı-satqı və ya ipotekadan əvvəl yoxlama
- Tikinti layihəsi üçün dəqiq sərhədlər lazım olduqda
Xidmətə daxildir
- Mövcud sənədlərin və planların təhlili
- Dönmə nöqtələrinin və hasarların GNSS RTK ilə ölçülməsi
- Faktiki və sənəddəki sərhədlərin müqayisəsi
- Sahənin yenidən hesablanması
- Fərqlərin izahlı sxeminin hazırlanması
- Yenilənmiş sahə planı və koordinat kataloqu
İş necə aparılır
- Sənədlərin qəbulu və təhlili
- Sahədə ölçmələr
- Sənədlərlə müqayisə və kameral emal
- Plan və sxemlərin hazırlanması
- Nəticələrin izahı və təhvil
Nəticədə təhvil verilir
- Dəqiq koordinatlarla yenilənmiş sahə planı
- Dönmə nöqtələrinin koordinat kataloqu
- Sənədlə fərqlərin sxemi və sahə hesabı
